Baños de Molgas aproba o orzamento de 2026 coa abstención da oposición
OurenseXa
Desde o Concello destacan un incremento do 26% no Servizo de Axuda no Fogar e unha partida adicional de 7.400 euros destinada a políticas sociais
29 Nov 2025
O Concello de Baños de Molgas aprobou esta semana o orzamento de 2026 cos votos a favor do grupo de goberno e a abstención dos partidos da oposición.
Desde o Goberno municipal consideran que se trata dun documento “realista e adaptado ás necesidades das súas veciñas e veciños, tendo en conta as limitacións existentes e cun enfoque responsable na xestión dos recursos públicos”.
O Concello destaca o incremento do 26% no Servizo de Axuda no Fogar e unha partida adicional de 7.400 euros destinada a políticas sociais, mantendo sen recortes as inversións previstas no orzamento.