Actualidade

O recadado irá destinado ao Banco de Alimentos de Ourense

Un ano máis, o Concello de Baños de Molgas, en colaboración con Protección Civil local e o Banco de Alimentos de Ourense, pon en marcha a campaña solidaria de recollida de alimentos para estas festas.

A veciñanza pode colaborar achegando produtos non perecedoiros no punto de recollida sinalizado, coa intención de apoiar ás familias que máis o precisan e que ningunha quede atrás neste Nadal.

Desde o Concello lembran que “a solidariedade é o mellor agasallo que podemos compartir”.