Catro ourensáns do Club Marbel competirán no Open Infantil de Jiu Jitsu en Castellón
O próximo sábado 15 de novembro, a cidade de Castellón de la Plana acollerá o Open Infantil de Jiu Jitsu ‘Bravo Playa’, que se celebrará nas instalacións deportivas ‘Chencho’. Catro mozos do Jiu Jitsu Club Marbel participarán nesta competición, buscando repetir o éxito obtido na edición anterior.
Na modalidade de Dúo Kata, as parellas formadas por Carla Seone e Beatriz Nesi na categoría sub 16, xunto con Álvaro Seoane e Alicia Pazos en sub 12, defenderán os títulos de ouro que lograron en xuño no mesmo escenario. Ademais, os catro competidores tomarán parte na modalidade de Ne Waza (loita restrinxida ao chan). Álvaro Seoane competirá tamén na categoría de Loita Benxamín -40 quilos, Alicia en -40 quilos Alevín, Carla en -48 Infantil e Beatriz en -52 Infantil.
Na pasada edición, o equipo de Marbel conseguiu tres medallas de ouro e unha de prata, demostrando o seu nivel e preparación. Guiados polo Mestre Felipe Iglesias, seleccionador galego e recente bicampión mundial de Dúo Kata Máster, os mozos contan con experiencia tanto a nivel nacional como internacional. Iglesias destacou que este torneo será “un bo test de preparación para constatar a nosa progresión e comezar con ánimos a nova e apaixonante tempada”.