Cinco ourensáns do Club Marbel compiten na Fase Final do Campionato de España de Jiu Jitsu
Durante o fin de semana disputarase no Pavillón Patricia Martín de Parla (Madrid) a Fase Final do Campionato de España de Jiu Jitsu, no que a selección galega contará coa presenza de cinco membros do Gimnasio Marbel, entre os que se atopan Christian Álvarez, Rubén Córdoba, Leire Carrera, Felipe Iglesias e Xermán Rodríguez.
Christian Álvarez Fernández, residente en Madrid, competirá na Lucha masculina (+94 quilos). Rubén Córdoba e Leire Carrera participarán nas modalidades de Lucha e Ne Waza (lucha no chan), nas categorías de -94 e -57 quilos, respectivamente. Álvarez e Córdoba conseguiron medallas de bronce en 2024, mentres que Leire afronta a competición con optimismo tras superar unha lesión no ombreiro e obter bos resultados en eventos internacionais.
Ademais, os campións do mundo de veteranos en Dúo Kata e Dúo Show, os ourensáns Felipe Iglesias e Xermán Rodríguez, estarán presentes para medir o seu nivel no Nacional. A delegación galega tamén inclúe catro competidores e un árbitro procedentes da Coruña.
O sábado, a partir das 16:00 horas, comezarán as competicións de Ne Waza e Katas, mentres que o domingo desde as 9:30 horas terán lugar as modalidades de lucha.
O seleccionador galego, Felipe Iglesias, con catro medallas acadadas en 2025, apunta a competir ao máximo nivel en Madrid, destacando que todos os participantes teñen opcións de medalla e que, segundo os seus resultados, algúns poderían ser convocados para a selección española no próximo Mundial.