Concello | Sociedade

O certame distinguiu dúas categorías (vivendas particulares e espazos comúns) e recoñeceu as decoracións de Sobrado, Gusteí, Quintás-A Barra, Vilarraz, Belesar e o Camiño do Pilo

O Concello de Coles vén de facer públicos os gañadores do I Concurso de Iluminación e Decoración de Nadal, unha iniciativa coa que se buscou poñer en valor o ambiente festivo nos diferentes lugares do municipio e recoñecer o esforzo veciñal á hora de engalanar casas e espazos compartidos.

Na categoría B (Espazos Comúns), o 1º premio foi para o Pobo de Sobrado, mentres que o 2º premio recaeu nos veciños do Camiño do Pilo (Quintás-A Barra) e o 3º premio foi para os veciños de Belesar.

Pola súa banda, na categoría A (Vivendas Particulares), o 1º premio correspondeu a Gusteí, o 2º premio a Quintás-A Barra e o 3º premio a Vilarraz.

Dende o Concello destacan que o concurso serviu para dinamizar o Nadal no rural e agradecer a participación das persoas e colectivos que contribuíron a crear unha imaxe máis acolledora e atractiva dos lugares durante estas datas.