Convocado o Premio Ourensanía 2024
A Xunta de Goberno da Deputación aprobou na súa sesión desta mañá as bases do Premio Ourensanía 2024, coa finalidade de outorgarlles un recoñecemento honorífico a aquelas persoas, nacidas en Ourense ou cunha especial vinculación coa provincia, que teñan destacado ao longo do ano nas súas facetas profesionais, sociais ou intelectuais.
O xurado estará formado e presidido polo presidente provincial, Luis Menor; o secretario, Marcos Vázquez; e os vogais Eva Torres, Luis González Tosar, Miguel Anxo Fernández, Maribel Outeiriño, Manuel Guede, Patricia Torres, Afonso Vázquez-Monxardín e María Sol Nóvoa.
No ano 2023, o galardón foi para o deseñador ourensán Aldolfo Domínguez. O premio Ourensanía foi creado no ano 2011 pola Deputación de Ourense para recoñecer a persoas destacadas da provincia, tendo en conta ás súas aportacións á cultura, ao panorama social ou á economía. A ourensanía, segundo explica a institución provincial nas bases deste certame, é a forma de ser e estar no mundo de todos os ourensáns.