Cuatro deportistas del Marbel representarán a Ourense en el Open Infantil de Jiu Jitsu
Este sábado, 31 de maio, celébrase nas instalacións deportivas de Chencho, en Castelló da Plana (Comunidade Valenciana), o Open Infantil de Jiu Jitsu – Trofeo Vicente Agramunt. Nel participarán catro mozos e mozas do Jiu Jitsu Club Marbel, en representación de Ourense.
As dúas parellas galegas formadas por Carla Seone e Beatriz Nesi, na categoría sub-16, e Álvaro Seoane e Alicia Pazos, en sub-12, competirán na modalidade de Dúo Kata, onde se valoran a precisión técnica e a coordinación. Ademais, os catro deportistas tamén participarán na modalidade de Ne Waza, centrada exclusivamente no combate no chan. Esta cita supón o seu debut a nivel nacional.
Os mozos estarán acompañados no tatami polos mestres Felipe Iglesias e Anita Fernández. Iglesias, actual seleccionador galego, destaca a importancia desta participación: “É un bo test de preparación para o Open do Mediterráneo, que será a súa primeira experiencia internacional”.
O Jiu Jitsu é unha arte marcial da que derivan disciplinas olímpicas como o Xudo. Practícase en tres modalidades principais: Loita, onde se puntúa mediante golpe, proxección ou inmobilización; Ne Waza, limitada ao combate no chan; e Dúo, na que unha parella executa unha secuencia técnica valorada por xuíces, xa sexa seguindo o regulamento ao detalle ou con certo grao de creatividade.