Concello

O partido liderado por Gonzalo Pérez Jácome é un dos menos transparentes de toda España, segundo un informe que será presentado este martes no Congreso dos Deputados

Democracia Orensana, o partido de Gonzalo Pérez Jácome, é un dos menos transparentes de todo o territorio estatal, segundo recolle un informe do Tribunal de Contas que será presentado este mesmo martes no Congreso dos Deputados e que sinala que o partido liderado polo alcalde de Ourense non cumpre “nin un só requisito de transparencia”.

Xunto a el, Coalición por Melilla, Teruel Existe, Aliança Catalana, Agrupación Socialista e Izquierda Asturiana sitúanse á cola en materia de transparencia no que atinxe aos partidos de ámbito local. No lado oposto, Soria ¡Ya!, Ciudadanos, Geroa Bai e a CUP serían os máis transparentes no seu ámbito.