Deportes

A cita terá lugar este sábado, 12 de abril, e contará con tres modalidades

Presentación do IX Trail de Celanova

O IX Trail de Celanova foi presentado oficialmente este mércores nun acto que contou coa presenza de representantes municipais do Concello de Celanova, as Escolas Deportivas de Celanova e o Club de Atletismo Pato Blanco.

A cita terá lugar este sábado, 12 de abril, e dividirase en tres modalidades: un trail longo de 22 quilómetros, un trail curto de 12 quilómetros e unha andaina de 12 quilómetros. Todas as probas comezarán ás 17.00 horas e a recollida de dorsais farase a partir das 15.00 horas no Claustro Barroco de Celanova.

Este xoves será o último día para anotarse en calquera das tres modalidades.