Francisco Cacharro, novo secretario do Pleno do Concello de Ourense
Francisco Cacharro Gosende asumirá o cargo de secretario xeral do Pleno do Concello de Ourense, segundo recolle o Boletín Oficial do Estado publicado este xoves, 17 de xullo. A súa incorporación prodúcese tras a marcha de Luis María Bermúdez, quen se xubilara no mes de marzo.
Cacharro leva vinculado ao goberno municipal desde o ano 2020, cando o alcalde, Gonzalo Pérez Jácome, decidiu integralo no organigrama como ‘city manager’. Agora dá un paso máis dentro da administración local ao acceder a este posto mediante o procedemento de libre designación.
Este sistema atribúe á Alcaldía a responsabilidade de escoller directamente a persoa para o cargo, e tamén contempla a posibilidade de cesamento libre, sempre dentro dos límites que marca a lexislación vixente.