Maceda dá inicio ao Entroido coa Solta do Burro e o reparto dos meco
Maceda dá inicio este sábado a partir das 20:00 horas ás celebracións do Entroido 2026 coa tradicional solta do Burro e o reparto dos mecos, que marcarán o inicio oficial das festas.
As actividades do Entroido continuarán o sábado 31 de xaneiro co reinado entre as parroquias de Tioira e Santa Marta, con paradas en varios puntos emblemáticos do municipio.
O domingo 1 de febreiro terá lugar un obradoiro de compadres e comadres na Praza das Toldas, destinado a preservar e transmitir as costumes propias do Entroido.
O venres 6 de febreiro, coñecido como Venres de Compadres, desenvolverase a segunda edición da Ruta da Tapa do Cocido do Entroido, que estará amenizada por foliadas e a actuación do grupo Os Festicultores.
O sábado 7 de febreiro levarase a cabo o tradicional fiadeiro de Carguizoi, unha cita clave para os amantes da música popular.
O Venres de Comadres, 13 de febreiro, vivirase unha xornada chea de actividades, entre elas a subida dos carros coa charanga A Felga, a cea de comadres, a continuación da Ruta da Tapa e un pasabares nocturno que animará as rúas.
O sábado 14 de febreiro será unha xornada intensa, coa saída do autobús dos felos, pasabares con charangas, a Baixada da Marela e varias actuacións musicais que se prolongarán ata entrada a noite.
O domingo 15 de febreiro continuará a tradición coa saída do autobús dos felos, o fiadeiro en Calvelo, a esperada comida do cocido do Entroido e unha foliade aberta para todos os asistentes.
O luns 16 de febreiro terá lugar a Baixada da Mareliña desde o Castelo de Maceda, que culminará cunha actuación familiar a cargo de Dorman DJ.
O martes 17 de febreiro celebrarase o esperado desfile de Entroido, seguido da entrega de premios que recoñecerá os mellores disfraces e grupos participantes.
A festa concluirá o sábado 21 de febreiro co tradicional Enterro do Meco, acompañado dunha pancetada popular e un desfile fúnebre a cargo da Charanga A Felga, pechando así unhas semanas cargadas de tradición, música e gastronomía.
PROGRAMA COMPLETO DO ENTROIDO DE MACEDA 2026
