O 3x3 DepOurense reuniu a máis de 50 equipos no Paco Paz
O Pazo Paco Paz acolleu esta fin de semana a primeira edición do “3x3 DepOUrense”, un evento organizado pola Deputación de Ourense em colaboración coa Federación Galega e reuniu a máis de 50 equipos en categorías premini, mini, infantil, cadete, junior, senior e senior familiar.
O evento, que combinou a xornada de competición con actividades lúdicas, coa música e as artes urbanas como aliadas perfectas desta práctica deportiva, foi todo un éxito de participación.
O baloncesto 3x3 é o deporte de equipo urbano número 1 do mundo. Trátase dunha modalidade que se xoga nunha única canastra e consta de tres xogadores por equipo. Está impulsado pola FIBA e xa se disputou en certames oficiais internacionais, como nos Xogos Olímpicos de Tokio 2020.
Se ben este xogo xa existía con anterioridade, a FIBA regulamentouno e creou campionatos internacionais para o mesmo. De feito, desde 2012 dispútase a Copa Mundial FIBA de Baloncesto 3x3.