O CIM de Pereiro de Aguiar entregou os diplomas aos gañadores do ‘Concurso de Debuxos 25-N’
O CIM de Pereiro de Aguiar entregou os diplomas aos gañadores do ‘Concurso de Debuxos 25-N’, no que participaron os centros escolares do municipio nas categorías de 1º a 6º de Primaria e de 1º a 4º da ESO. Esta iniciativa, dirixida ao alumnado dos centros educativos, busca fomentar a prevención, a concienciación e a sensibilización fronte á violencia de xénero, ao tempo que promove a creatividade e a reflexión dos estudantes.
O certame estivo aberto ao alumnado de Primaria, desde 1º a 6º curso, e de Secundaria, de 1º a 4º curso, que debía elaborar un debuxo, viñeta ou eslogan que expresase o rexeitamento a calquera forma de violencia de xénero. Os traballos premiados servirán de base para elaborar os carteis conmemorativos do 25N, que serán distribuídos entre os centros educativos participantes.
Na categoría de Primaria, o primeiro premio foi para Mauro B. F., alumno de 3º de Primaria do Colexio Ben-Cho-Shey. O segundo premio recaeu en David D. R., de 6º de Primaria do Colexio Miraflores, mentres que o terceiro premio foi para Uxía T. B. F., alumna de 4º de Primaria do Colexio Guillelme Brown.
Na categoría de Secundaria, o primeiro premio foi para Leiva C. V., estudante de 1º da ESO do Colexio Miraflores. O segundo premio correspondeu a María F. C. A., de 4º da ESO, e o terceiro premio a Melani B. C., tamén de 4º da ESO, ambas do Colexio Miraflores.