O Concello da Bola abre de novo a bolsa de Auxiliares de Axuda no Fogar

O Concello da Bola informa de que volve a abrir, ata este venres, 10 de xaneiro, a bolsa de Auxiliares de Axuda no Fogar. As persoas interesadas poderán solicitar este servizo no teléfono 988 451 293.

A través do Servizo de Axuda no Fogar, o Concello da Bola ofrece un conxunto de atencións ás persoas ou unidades de convivencia no propio domicilio, para facilitar o seu desenvolvemento e a permanencia no seu contorno habitual, e está destinado ás familias ou persoas que teñan limitada a súa autonomía persoal ou en casos de desestruturación familiar.

Este servizo é público e ten carácter local, e préstase a través de dúas modalidades: prestación básica ou de libre concorrencia, e prestación derivada pola dependencia.