O Concello da Bola destaca o “éxito” do programa Concilia Verán 2025

Preto dunha vintena de nenos e nenas gozan das actividades que se seguirán a desenvolver durante todo o verán

O programa Concilia Verán 2025 que se está a desenvolver en A Bola está a ter unha grande aceptación entre os nenos e nenas do municipio, segundo destacan desde o Concello. Esta semana, a alcaldesa, María Teresa Barge, visitou a Área Recreativa Ponte Barbón para supervisar o desenvolvemento das actividades e comprobar que todo estivese en orde.

O Concilia Verán ofrece diversas dinámicas deseñadas para entreter e acompañar aos máis pequenos durante as mañás e tardes do verán. O programa continuará nas próximas semanas, con actividades lúdicas e educativas para os nenos e nenas participantes.