Actualidade

Nesta campaña repartíronse un total de 1.000 euros en vales de compra para promover o comercio local

O Concello de Allariz realizou o pasado venres o sorteo da campaña Peto dos Desexos, unha iniciativa xa consolidada no municipio dentro da campaña de Nadal e que ten como obxectivo promover as compras no comercio de proximidade e apoiar a economía local durante a tempada festiva.

A campaña desenvolveuse en colaboración coa hostalaría e o pequeno comercio da vila e repartiu un total de 1.000 euros en vales de compra: 250 euros para as dúas primeiras persoas premiadas e outros cinco premios de 100 euros.

A iniciativa levouse a cabo entre o 5 de decembro de 2025 e o 6 de xaneiro de 2026, cun grande éxito de participación, como adoita ser habitual.