Concello

A campaña ten como propósito conmemorar de forma especial o 26 de xuño, Día internacional contra o uso indebido e o tráfico ilícito de drogas establecido pola ONU

O Concello de Ourense súmase á campaña Panos brancos contra a droga 2025. A concelleira de Saúde, Noa Rouco, deu lectura ao manifesto aprobado pola Federación Galega de Municipios e Provincias (FEGAMP) en apoio a esta iniciativa, nun acto que se desenvolveu no salón de plenos, coa participación de todos os grupos políticos con representacoión municipal.

A campaña, que desenvolve en estreita colaboración de múltiples colectivos sociais, entidades e institucións, ten como propósito conmemorar de forma especial o 26 de xuño, Día internacional contra o uso indebido e o tráfico ilícito de drogas establecido pola Organización de Nacións Unidas (ONU).