O Concello de Paderne de Allariz convoca as axudas para material escolar do curso 2024-2025
OurenseXa
En total o Concello destinará 6.000 euros para estas subvencións que poden solicitarse ata 1 de novembro
20 Oct 2025
O Concello de Paderne de Allariz pon á disposición das familias unha nova convocatoria de axudas para material escolar correspondente ao curso 2024-2025. Cada alumno poderá recibir unha contía de 80 euros, e o municipio destinará un total de 6.000 euros para estas subvencións.
As axudas están dirixidas a alumnos matriculados no segundo ciclo de educación infantil, primaria e ESO durante o curso 2024/2025. Entre os requisitos, establécese que tanto o pai, nai ou titor legal como o alumno deberán estar empadroados no Concello durante todo o curso escolar.
O rexistro das solicitudes poderá realizarse físicamente nas oficinas do Concello ou a través da sede electrónica. O prazo para presentar as solicitudes remata o 1 de novembro.