Actualidade

As celebracións comezarán ás 17.00 horas co Rallye do humor

Entroido Quente de Maceda

Este sábado, 27 de xullo, chega a Maceda a XV edición do 'Entroido Quente', que contará con actividades ao longo de toda a xornada destinadas a todos os públicos.

As celebracións comezarán ás 17.00 horas co Rallye do humor e continuarán cun taller infantil a cargo do grupo Latexo Percusión, ás 18.00 horas. A partir das 20.00 horas comezará un pasacalles a cargo da charanga BCB polo centro do municipio e, ás 23.00 horas, terá lugar a final da Batalla de Galos.

Por último, a partir das 00.00 comezará a verbena coa actuación de Latexo Percisión, a Orquestra Neverloura, Turbo Miñoca e DJ Sandin, que poderán o broche de ouro ás festas.