O Judo Club Marbel pechou a temporada coa entrega de medallas do Concurso Técnico e os premios ‘Jita Kyoei’
O Judo Club Marbel puxo fin á temporada 2024-2025 coa entrega de medallas do Concurso Técnico e os premios ‘Jita Kyoei’ nun acto celebrado no ximnasio Marbel durante o pasado mes de xuño.
O Concurso Técnico premia o esforzo dos judocas durante a temporada mediante un sistema de puntuación que valora a constancia, o comportamento, a asistencia, os coñecementos técnicos e a participación en competicións. Cada participante mantén a súa propia folla de méritos, sendo responsable do seu seguimento. Ao final da temporada, aqueles que suman máis puntos en cada categoría reciben unha medalla.
A clasificación organízase por grupos e cores de cinto. Nesta edición, o club distinguiu aos seguintes judocas:
Infantil – Grupo 1
- Cinto branco: Antía López
- Branco-amarelo: Martina Brancati
- Amarelo: Vanessa Fedulova
- Amarelo-laranxa: Enzo Trícoli
- Laranxa: Manuel J. Puga
- Laranxa-verde: Nyoel González
- Verde-azul: Nico González
Infantil – Grupo 2
- Cinto branco: Diego Couso
- Branco-amarelo: Minerva Casal
- Amarelo: Ainoa Vázquez
- Amarelo-laranxa: Olivia Fernández
- Laranxa: Álvaro Seoane
Cadetes pequenos
- Branco-amarelo: Mencía Rojo
- Laranxa: Beatriz Nesi
- Verde: Carla Seoane
- Azul: Gabriela Da Silva
Con esta actividade, o Judo Club Marbel despide un novo curso marcado polo traballo constante e a formación en valores a través do deporte.