O novo equipo do COB preséntase ante a súa afección

A Praza de San Martiño foi o escenario escollido polo Club Ourense Baloncesto para  presentar oficialmente ao novo equipo ante a súa afección. Rodeados de decenas de persoas, xogadores, adestradores, directivos e persoal técnico celebraron este evento no centro da cidade das Burgas, no que non faltou a representación institucional.

Coa plantilla renovada e baixo a dirección de Moncho López, o club deixa boas sensacións de cara a esta nova tempada en Pirmeira FEB. De feito, tras o partido de adestramento contra o San Pablo Burgos, o adestrador aseguraba estar "moi satisfeito co primeiro test de pretempada". 

A seguinte proba será este mesmo sábado, 7 de setembro, contra o Obradoiro no estadio Fontes do Sar, onde ambos clubs xogarán a primeira fase da Copa Primeira Feb.