Universidade

A comunidade universitaria poderá coñecer de primeira man as oportunidades profesionais que ofrecen mais de 100 entidades

III Feira EmpregoinCampus

O Pavillón de Deportes do Campus de Ourense acolle este xoves 18 de abril, ás 17.00 horas, a terceira edición da Feira EmpregoinCampus, un encontro onde a comunidade universitaria terá a oportunidade de coñecer de primeira man as oportunidades profesionais que ofrecen mais de 100 entidades de moi diversos sectores.

O evento conta co apoio da Deputación de Ourense, que estará representada pola vicepresidenta primeira, Marta Nóvoa, e onde os asistentes poderán recibir asesoramento profesional por parte das entidades colaboradoras de cara a súa inserción no mercado laboral.