Actualidade

Dende o grupo municipal do PSdeG consideran imprescindible que as adminis-tración dean exemplo da realidade actual e que as presentacións de competicións conten con máis cargos institucionais femininos

María Fernández Ojea

As representantes do grupo municipal socialista no Consello Municipal de Deportes (CMD) solicitaron durante a reunión deste órgano que as mulleres teñan máis presenza na presentación de eventos deste ámbito na cidade.

Concretamente, a edil do PSdeG no Concello de Ourense María Fernández reivindicou que é necesario un cambio ao comprobar que as imaxes de presentación de competicións ou campionatos só adoitan contar con representantes institucionais masculi-nos e pediu que isto mudase o máis cedo posible.

Así llo trasladou ao presidente do CMD, Aníbal Pereira, para que tanto Democracia Orensana como o PP, por ser este quen goberna na Xunta de Galicia e na Deputación, comecen a normalizar a presenza feminina no deporte potenciando dende o seu ámbito institucional a participación das mulleres.