Actualidade

O servizo ofrecerá aos veciños a posibilidade de desfacerse de residuos especiais que non deben tirarse nos contedores habituais

O servizo de punto limpo móbil do Concello de Allariz trasládase esta semana a Roiriz co obxectivo de facilitar á veciñanza o depósito de residuos especiais que non deben tirarse nos contedores habituais.

Durante a súa estancia nesta localidade, os veciños poderán entregar pequenos electrodomésticos, aerosois, lámpadas e fluorescentes, xoguetes, tóner de impresión, envases contaminados, pilas, cargadores e baterías, así como aceites de cociña usados.

Desde o Concello lembran a importancia de facer un tratamento correcto deste tipo de refugallos, subliñando que pequenos xestos individuais contribúen á protección do contorno e ao coidado do medio ambiente.