Os Bombeiros de Ourense súmanse como voluntarios para axudar en Valencia tras o paso da DANA
OurenseXa
Un equipo de seis bombeiros saiu onte cara á zona afectada
Bombeiros do Concello de Ourense
5 Nov 2024
Efectivos do servizo de prevención e extinción de incendios do Concello de Ourense sumáronse como voluntarios para colaborar nos traballos de emerxencia que se están a realizar en Valencia fronte aos danos ocasionados pola dana. Onte ás 20.00 horas da tarde, saíu cara á zona afectada un equipo de seis bombeiros de Ourense e outros tantos daranlles o relevo ao longo da semana.
O Concello colabora nesta iniciativa, asumindo os gastos de desprazamento e achegando medios e materiais.