Os hostaleiros de Ourense terán ata febreiro de 2026 para adaptarse á nova ordenanza de terrazas e veladores
O Concello de Ourense anuncia que iniciará proximamente a notificación formal a todos os establecementos de hostalaría que posúen terrazas e veladores en espazos de uso público sobre a nova Ordenanza municipal reguladora da instalación e uso destes elementos, ao fin de asegurar o cumprimento rigoroso da norma.
Esta ordenanza é de obrigado cumprimento e establece o marco legal para a correcta harmonización do uso hostaleiro co espazo público e a veciñanza. O Concello subliña a necesidade de que os hostaleiros afectados axusten as súas instalacións á normativa vixente no prazo establecido, que remata o 14 de febreiro de 2026, e fai un chamamento á colaboración do sector para garantir o benestar de toda a cidadanía e o correcto aproveitamento do espazo público.