Actualidade

Os cemiterios permanecerán abertos de 9.00 a 19.30 horas durante as xornadas deste venres e sábado

Cemiterio de San Francisco

Os cemiterios municipais de San Francisco, Santa Mariña e As Caldas estarán abertos ininterrompidamente de 9 a 19.30 horas ata este sábado, 2 de novembro, para facilitar que a veciñanza poida achegarse a honrar os seus familiares nas festividades de Todos os Santos e Fieis Defuntos. Habitualmente, estas dependencias permanecen pechadas ao mediodía durante os días festivos e fins de semana.

Ademais, o servizo de autobuses reforzarase con dous servizos especiais, un con saída da antiga Estación de Autobuses e outro desde O Vinteún, en dirección ao Cemiterio de Santa Mariña, facendo parada no de San Francisco, con estes horarios:

Especial 1 Vinteún (6º Instituto) > Cemiterio

• 09:15 > 09:55
• 10:35 > 11:25
• 12:10 > 12:55
• 15:30 > 16:40
• 17:20 > 18:00

Especial 2 Estación de Autobuses (antiga) > Cemiterio

• 09:55 > 10:40
• 11:25 > 12:10
• 12:55 > 13:40
• 16:40 > 17:20
• 18:10 > 19:00