Ourense acollerá este domingo a tradicional Queima das Madamitas
Ourense celebrará este domingo, día 6 de abril, a festividade de San Lázaro cunha alborada ás 11.45 horas, con gaiteiros e cabezudos polas rúas do Paseo, Santo Domingo e Parque San Lázaro, e a tradicional Queima das Madamitas, ás 13.00 horas, a cargo da Pirotecnia Josman, fronte á Subdelegación do Goberno.
Ademais, durante o sábado e o domingo estarán instalados arredor do Parque de San Lázaro, os tradicionais postos de rosquillas, lambetadas, abelás e produtos típicos destas festas.
A misa solemne na honra de San Lázaro terá lugar ás 11.00 horas na igrexa parroquial de Santo Domingo e, a continuación, á procesión de San Lázaro, coa Agrupación Musical Redegaita, ata a Conventual dos Franciscanos, percorrendo as rúas Santo Domingo, Parque de San Lázaro e Xaquín Lorenzo "Xocas".