Deportes

A incorporación de Pablo López xera boas expectativas entre os afeccionados, que esperan que o seu estilo de traballo contribúa ao crecemento do club na vindeira tempada

Pablo López, novo adestrador do Ourense CF

Pablo López chega ao Ourense CF tras unha sólida traxectoria no fútbol galego e despois de varios anos como segundo adestrador do Racing Club Ferrol.

López súmase ao conxunto ourensán tras a partida de Rubén Domínguez, que renunciaba ao seu cargo como adestrador do club o pasado 22 de outubro, logo dun mal inicio de tempada. “Este club e este persoal merecen a oportunidade de tentalo desde outra enerxía”, explicaba Domínguez nun comunicado no que aseguraba sentirse “moi afortunado” de poder estar á fronte do conxunto ourensán durante sete anos consecutivos.

A incorporación de Pablo López xera boas expectativas entre os afeccionados, que esperan que o seu estilo de traballo contribúa ao crecemento do club na vindeira tempada.