Patricia Domínguez Barja presenta a súa precandidatura á Secretaría Xeral do PSdeG-PSOE de Ourense
A alcaldesa da Pobra de Trives, Patricia Domínguez Barja, presentou oficialmente a súa precandidatura para optar á Secretaría Xeral do PSOE. Barjas, que forma parte da executiva galega de José Ramón Gómez Besteiro como secretaria de emprendemento, disputarase o posto co actual Secretario Xeral, Rafael Rodríguez Villarino, que anunciou a súa precandidatura hai uns días.
O prazo para presentar as precandidaturas está aberto ata o 3 de abril, polo que non se descarta o anuncio de máis candidatos. De feio, todo apunta a que o actual voceiro socialista na Deputación de Ourense e alcalde de Taboadela, Álvaro Vila, formalizará a súa candidatura este mesmo mércores. A votación para a Secretaría Xeral levarase a cabo o domingo 27 de abril e, se fose necesaria unha segunda volta, esta tería lugar o domingo 4 de maio.
Despois das xornadas de votación e ata a celebración do Congreso, traballarase na elaboración do documento marco que establecerá a orientación do proxecto para os vindeiros anos. O proceso finalizará co V Congreso Provincial Ordinario, previsto para o domingo 18 de maio.