Pereiro de Aguiar acollerá o I Trofeo Germán González polo 35º aniversario da Escola Atlética Ben Cho Shey
O vindeiro 18 de abril, as Pistas Josefina Salgado de Monterrei serán o escenario do I Trofeo Germán González, organizado con motivo do 35º aniversario da Escola Atlética Ben Cho Shey.
A xornada estará dedicada ao atletismo e ao deporte base, ofrecendo a deportistas e afeccionados a oportunidade de compartir unha mañá de competición, compañeirismo e promoción do deporte local. As marcas acadadas durante o evento serán válidas en categoría autonómica e nacional, polo que os participantes poderán ver recoñecido oficialmente o seu rendemento.
Desde o Concello do Pereiro de Aguiar animan a toda a veciñanza a achegarse e gozar dun día especial apoiando o atletismo local e celebrando a traxectoria da escola deportiva, un referente no municipio desde hai máis de tres décadas.