Deportes

Está destinada a nenos e nenas nados entre 2016 e 2010 e ofrecerá diferentes propostas deportivas

O Concello de Pereiro de Aguiar organizará o vindeiro martes 31 de marzo unha xornada de convivencia deportiva dirixida a nenos e nenas nados entre 2016 e 2010. A actividade será de balde e contará con prazas limitadas.

A iniciativa ofrecerá diferentes propostas deportivas ao longo da xornada, entre elas fútbol sala, kung fu e defensa persoal, así como balonmán. O obxectivo é promover a práctica do deporte e fomentar a participación nun ambiente lúdico e activo.

A organización estableceu un máximo de 25 prazas, que se asignarán por orde de inscrición ata completar o cupo dispoñible.