Deportes

O prazo de inscrición para participar abrirase a partir do 11 de xullo

Día da Bici, Pereiro de Aguiar

O Concello do Pereiro de Aguiar, a través de Pereiro Deporte e Xuventude e coa colaboración da Deputación de Ourense, organiza o vindeiro 7 de setembro unha xornada de ciclismo para gozar en familia.

A cita terá lugar a partir das 11:00 horas na Praza do Concello. Será un día para desfrutar do deporte e da natureza en familia.

O prazo de inscrición estará aberto dende o 11 de xullo ata o 7 de setembro. Ademais, aquelas persoas que se inscriban antes do 24 de agosto recibirán unha camiseta de agasallo.

O Concello anima a toda a veciñanza a preparar a bici e participar nesta actividade pensada para todas as idades.