Pereiro de Aguiar organiza actividades deportivas para os nenos e nenas durante a Semana Santa
O Concelo de Pereiro de Aguiar organiza para esta Semana Santa unha serie de actividades deportivas destinadas aos nenos e nas do concello. Concretamente, poderán anotarse todos aqueles nados entre 2008 e 2017.
A ‘Semana Santa Deportiva’ terá lugar os días 14, 15 e 16 de abril nas instalación do Pavillón Municipal de Pereiro, con tres actividades diferentes. O primeiro día, os nenos e nenas poderán gozar dunhas xornadas de basket co CB Pereiro, que se desenvolverán ente as 9.30 e as 13.30 horas, mentres que o día 15 poderán facer o mesmo o fútbol, da man do Atlético Pereiro. Para rematar, o día 16 de abril será a quenda das ‘Pereirolimpiadas’, un día para desfrutar do deporte e favorecer tanto a conciliación como o desfrute dos nenos e nenas da contorna.