Pereiro de Aguiar organiza actividades deportivas para todas as idades para o curso 2025-2026
OurenseXa
O prazo de inscrición abrirá o día 15 de setembro
Escola de Atletismo de Pereiro de Aguiar
5 Sep 2025
O Concello de Pereiro de Aguiar presentou a súa programación deportiva para o curso 2025/2026, que incluirá propostas adaptadas a todas as idades. O prazo de inscrición abrirase o 15 de setembro, mentres que as clases comezarán o 29 de setembro.
A oferta abrangue disciplinas pensadas para a infancia, como fútbol, baloncesto, atletismo ou halterofilia, e tamén para persoas adultas, entre elas pilates, zumba, taichí, boxeo e defensa persoal, baile de bachata, ximnasia, ioguilates e esgrima histórica.
Desde o Concello destacan que estas actividades pretenden fomentar o deporte e ao mesmo tempo crear espazos de convivencia e encontro entre a veciñanza.