Pereiro de Aguiar reparte 2.790 euros en Axudas a Deportistas Individuais
OurenseXa
Na convocatoria deste ano beneficiáronse un total de 27 deportistas empadroados en Pereiro
8 Mar 2026
O Concello Pereiro de Aguiar vén de conceder un total de 2.790 euros na convocatoria de Axudas a Deportistas Individuais deste ano, dentro do Plan Reactiva Pereiro 2026. Esta liña de apoio está destinada a recoñecer o esforzo dos atletas empadroados no municipio que acadaron méritos deportivos durante a tempada 2024-2025.
En total, nesta convocatoria beneficiáronse un total de 27 deportistas, maiores e menores de 18 anos, empadroados en Pereiro de Aguiar, que recibiron achegas de entre 90 e 180 euros.