Quintela de Leirado mellorou o alumeado público na capital do municipio
OurenseXa
A iniciativa foi posible grazas a unha subvención de 18.926 euros da Deputación de Ourense
30 Nov 2025
O Concello de Quintela de Leirado renovou o alumeado público grazas a unha subvención de 18.926,69 euros outorgada pola Deputación Provincial de Ourense a través do Plan Provincial de Cooperación en Obras e Servizos Municipais para 2025.
A actuación consistiu na instalación de farois LED con indicadores de advertencia nos dous pasos de peóns da capital do municipio, mellorando así a visibilidade e a seguridade dos veciños ao cruzar a rúa.