Renfe forma en A Coruña e Ourense aos primeros maquinistas dos novos trens S106
O Ministerio de Transportes e Movilidade Sostible informa de que Renfe xa está a formar en Galicia aos primeiros maquinistas e ao persoal de intervención de a bordo que formará parte do persoal que presten servizo nos novos trens S106, que a compañía adquiriu, e que poñerá en servizo na conexión Galicia-Madrid nos próximos meses.
Deste xeito, axentes de condución das residencias de Ourense e A Coruña están a formarse xa para o manexo deste novo material, que Renfe empregará nos traxectos que conectan con Castela e León e Madrid. A formación de maquinistas en trens S106 tamén se está levando a cabo noutras residencias de Madrid e Barcelona e, en breve, en Oviedo e León.
Os cursos de formación dos maquinistas inclúen teoría e práctica e estanse impartindo de forma paulatina aos axentes de condución. Así, unha vez Renfe reciba os novos trens da serie 106 e empece a circular cos novos convois fabricados por Talgo, a compañía implantará progresivamente este ano unha nova oferta comercial en Galicia.
A posta en funcionamento destes novos trens suporá un incremento de prazas a ofertar, pois a capacidade destes trens case duplica a dos que circulan na actualidade, o que facilitará poñer máis frecuencias. Ademais unirase unha nova redución dos tempos de viaxe e a implantación de novos servizos AVE e Avlo.