Actualidade | Axenda

Serán o 2 de abril en Pontenoalla e o 10 de abril no Centro Social de San Cibrao

San Cibrao das Viñas acolle este mes de abril unha serie de obradoiros de prevención da dependencia dirixidos ás persoas maiores do concello co fin de mellorar a súa autonomía física e mental.

Os obradoiros desenvolveranse o 2 e 10 de abril, dentro do programa de emprego Mancoxove VII da Xunta de Galicia, e levaranse a cabo a través de catro actividades destinadas á prevención da dependencia física, a través dunha actividade de ximnasia e movemento, á prevención do deterioro cognitivo, a través do obradoiro ‘Activa a túa Mente’, o autocoidado e o intercambio interxeracional.

As persoas interesadas poden anotase nos servizos sociais de forma presencial no propio Concello ou a través do teléfono 988 381 034.