Toén retoma o seu programa municipal para o fomento do deporte
O Concello de Toén retoma este mércores, 1 de outubro, o Programa de Fomento do Deporte Municipal para o curso 2025-2026, dirixido aos residentes do municipio. A iniciativa inclúe actividades de ximnasia de mantemento e pilates, que teñen continuidade ata finais de maio de 2026.
As clases impártense en distintos puntos do municipio con horarios adaptados a cada localidade. En Puga, na Escola Antiga, ofrécense sesións de ximnasia de mantemento e estiramentos os luns e mércores pola tarde, mentres que en Alongos, no local A Graveira, tamén se desenvolven clases os mesmos días. En Moreiras, a Casa da Cultura acolle martes e xoves sesións de ximnasia de mantemento e pilates en horario vespertino. En Toén, no campo de festas, impártense clases de ximnasia de mantemento os martes e xoves, e en Mugares, no Centro de Actividades Sociais, realízanse sesións de ximnasia de mantemento os martes e venres.