Un equipo Enxeñaría Informática do campus de Ourense gañou o 'Concurso de ideas de negocio en xestión do tráfico aéreo'
![Entrega do premio do 'Concurso de ideas de negocio en xestión do tráfico aéreo'](https://ourensexa.com/wp-content/uploads/2024/07/Entrega-do-premio-do-Concurso-de-ideas-de-negocio-en-xestion-do-trafico-aereo.png)
Un equipo da Escola Superior de Enxeñaría Informática do campus de Ourense vén de gañar a segunda edición do 'Concurso de ideas de negocio en xestión do tráfico aéreo', un certame convocado por Enaire a través do seu centro de investigación, crida.
Os membros deste equipo ourensán lograron alzarse gañadores grazas a súa proposta dun xogo de estratexia chamado 'AirEmpires: Sky Management'. Trátase, segundo explican desde o campus de Ourense, dun xogo de estratexia en tempo real que se pode xogar a través de Internet e que fusiona a xestión do tráfico aéreo coa construción e expansión ao estilo do coñecido xogo Age of Empires.
O obxectivo principal deste certame é “fomentar a iniciativa emprendedora e impulsar a transformación de ideas de negocio en empresas reais, promovendo e desenvolvendo ideas en fases iniciais” e o premio final está dotado con 10.000 euros.