Actualidade

Zonas como a universidade ou o centro sofren apagóns intermitentes dende primeira hora da mañá

Ourense volveu quedar sen luz esta mañá a causa de varios apagóns que deixaron sen subministración eléctrica a numerosos barrios da cidade.

A zona das Lagoas, onde se atopa a Universidade, o centro, O Vinteún ou A Valenzá foron as máis afectadas por esta avaría, que tamén provocou cortes de carácter intermitente noutros puntos da cidade dende primeira hora.

A avaría logrou solucionarse a media mañá, despois de varias horas de incidencias. O tráfico e os negocios locais operan xa con total normalidade.