Asociacións

Representantes de ambas entidades veñen de asinar un ano máis o seu convenio de colaboración

Sinatura do convenio de colaboración entre a AECC Ourense e o CHUO

A Asociación Española Contra o Cancro en Ourense e o Complexo Hospitalario Universitario de Ourense renovan un ano máis o seu convenio de colaboración, que foi  asinado por Santiago Camba, xerente da Área Sanitaria de Ourense, Verín e O Barco,  Germán Rodríguez-Saá e Pilar López, presidente e secretaría da Asociación Española Contra o Cancro en Ourense.

Ambas entidades continúan reforzando así a colaboración que veñen mantendo dende fai anos co obxectivo de avanzar na loita, prevención, curación e mellora das condición de vida dos pacientes con cancro e os seus familiares.