A Asociación Veciñal de Seixalbo organiza este luns o seu concerto de Aninovo
OurenseXa
Será ás 19.00 horas na Igrexa Parroquial
6 Jan 2025
A Asociación de Veciños de Seixalbo, en colaboración coa Asociación Cultural Agromadas e a Parroquia de San Breixo, organizan este luns o seu Concerto de Aninovo, que arrancará ás 19.00 horas na Igrexa Parroquial.
O concerto contará coa participación do grupo de voces masculinas Cantigas de Seixo, así como cos membros do Coro Parroquial de San Breixo, acompañados pola artista Salomé Garrido Fernández e o trompetista Hugo Kalfon Fernández.
A entrada será libre e gratuíta para todos os asistentes.