A Deputación de Ourense reforza a colaboración coa Asociación Provincial de Talleres de Reparación de Vehículos
A Deputación reforzará a súa colaboración coa Asociación Provincial de Talleres de Reparación de Vehículos, que aglutina a un 90% destes establecementos na provincial de Ourense. Así quedou de manifesto na reunión que mantivo este xoves o presidente provincial, Luis Menor, con membros da directiva de ATAVE, presidida por Ricardo Borrajo e con Marcos Fernández como vicepresidente.
Menor recalcou que o sector do mantemento e reparación de vehículos “é estratéxico para a provincia de Ourense”, de aí que o presidente provincial ratificase que a cooperación establecida hai anos entre a Deputación e ATAVE –“un interlocutor acreditado da situación do sector”, sinalou Menor-, reforzarase e renovarase con accións formativas que xa se viñan realizando nestes últimos anos, así como a posibilidade de colaborar en acometer algunha obra de mellora na súa sede, explicou o presidente provincial.