A veciñanza de Pereiro de Aguiar xa pode reservar cita para o novo servizo de pediatría

A partir do próximo xoves, 4 de febreiro, o centro de saúde do Pereiro de Aguiar comezará a ofrecer consultas de pediatría. Era unha das principais reivindicacións veciñais neste concello, que experimenta un continuo crecemento nos últimos anos, con cada vez máis familias novas empadroadas nel.

O servizo, tal e como confirma o propio Concello, estará dispoñible unha tarde por semana, sempre os xoves,, pero con opción de ampliar a frecuencia segundo a demanda e o aumento de novas tarxetas sanitarias adscritas.

A veciñanza de Pereiro de Aguiar xa pode solicitar este servizo. As citas poden pedirse no propio centro de saúde de Pereiro ou ben no centro de saúde Valle Inclán.