Aberto o prazo de preinscrición na Escola Municipal de Idiomas de Ourense
A Escola Municipal de Idiomas de Ourense abre o prazo de preinscrición para o novo alumnado do curso 2025–2026. O período permanecerá aberto ata o 17 de maio a través da plataforma habilitada na páxina web do Concello.
No que respecta ás taxas, a matrícula deste ano terá un custo de 19,80 euros, e a cota trimestral ascende a 59,60 euros. Non obstante, os beneficiarios do servizo gozarán dunha bonificación do 50 % nas tarifas trimestrais a partir do segundo membro da unidade familiar matriculado.
A listaxe provisional de admitidos publicarase o 2 de setembro. Os días 2, 3 e 4 de setembro habilitarase o prazo para a corrección de erros, e a listaxe definitiva de alumnado admitido será publicada o 5 de setembro. O período de formalización da matrícula estenderase do 9 ao 16 de setembro.
Ademais, no caso de que queden prazas vacantes, aquelas persoas que desexen inscribirse fóra de prazo poderán facelo contactando coa Escola a través do teléfono 988 388 136 ou escribindo aos correos electrónicos ingles.administracion@ourense.gal ou emi@ourense.es.