Cultura | Sociedade

Un grupo de veciños e veciñas recuperaron esta tradición que levaba máis de medio século extinta

Veciños de Albos recuperan o Ramo de San Amaro

A parroquia de Albos, en Verea, volverá a lucir o seu ramo do San Amaro este sábado grazas a unha iniciativa veciñal que logrou recuperar esta tradición, que levaba extinta máis de medio século.

Segundo a tradición, explican dende o Concello de Verea, o ramo pasaba de ano en ano, dunha parella casadeira a outra, que eran os encargados de facer a festa. Pero co paso dos anos e coa emigración dos máis novos, sumada ao despoboamento, a tradición foise perdendo ata quedar no esquecemento durante máis de medio século.

Agora, grazas un grupo de veciñas e veciños, a localidade volverá a lucir o seu tradicional ramo por segundo ano consecutivo.