Allariz acolle este venres unha nova edición da Pasarela Solidaria a favor da Asociación Española Contra o Cancro

Un desfile de moda e solidariedade que arrancará ás 19.00 horas no Hotel Balneario Oca Allariz

Allariz acollerá este venres unha nova edición da Pasarela Solidaria, un evento que une moda e solidariedade co obxectivo de recadar fondos para a Asociación Española Contra o Cancro en Ourense.

O desfile comezará ás 19.00 horas no Hotel Balneario Oca Allariz, e todo o recadado irá destinado á investigación e apoio ás persoas afectadas polo cancro.

Será ademais unha oportunidade de gozar da creatividade local da man do artesán Álvaro Leiro, Premio Nacional de Artesanía 2023), que será o convidado nesta edición.