Cultura

O alumnos e alumnas da Escola Municipal de Pintura expoñerán as súas obras na Casa da Cultura de Allariz, nunha exposición que poderá visitarse ata o 21 de xuño

Allariz inaugura a exposición da Escola Municipal de Pintura

Este mércores, ás 19.00 horas, a Casa da Cultura de Allariz acollerá a inauguración da exposición da Escola Municipal de Pintura, que poderá visitarse ata o próximo 21 de xuño.

Os rapaces e rapazas participantes nesta actividade amosarán as creacións levadas a cabo ao longo do curso, que comezou o pasado mes de outubro e acaba de rematar.

Desde o Concello de Allariz promoven, cada ano, unha serie de actividades culturais entre as que esse atopa a escola de pintura co obxectivo de promover o arte e actividade entre a cidadanía.